هیستریا هیستریا هیستریا

لە سەرەتادا شۆڕشگێڕ بەر لە چونە ناو کاری ڕێکخراوەیی دەستەجەمعییەوە ئەو تاکە یاخیبوەیە توشی هیستریا هاتوە،
واتا ویستێک لە پانتایی خەیاڵیدا هەیە ئارەزوی پێ تێر دەخوا (نەست)، هێشتا لە پانتایی واقیع بەرجەستە نەبوە. لێرەدا هەستی لە نێوان نەست و ئۆبێکتدا شڵەژاوە، لەناو ترس و گومان و دڵەڕاوکێدا دەژی، لەپێناو بەرجەستەبونی ویستەکەی.

بۆیە لە بنەڕەتدا مارکسیزم خاوەنداری (موڵکییەت) ڕەتناکاتەوە، بەڵکو داوای خاوەندارییەتی دەکات! لەبەرئەوەی لە موڵکییەتخستن، بە مانای ئەوەی نەبێ بە هی کەس، دەبێتە هی هەموان. لێرەوەیە لە فەلسەفەی مارکسدا کۆمۆنیزمی دوایی (دژەتێزی سەرمایەداری/مێسالاری)، بۆ دروستکردنی کۆمەڵگایەکی ئەرستۆکراتی نەخەساوە (باوکسالار).

کەواتە نیچە و مارکس و فرۆید هەرسێکییان وەک ئۆرفیۆسییەک خاوەن یەک گوتارن ئەویش عەشقێک لە پانتایی خەیاڵ (بازدان بەسەر هیستریا، بە شکاندنی پیرۆزی) و ویستی بەرجەستەبونێکە لە پانتایی واقیعدا (یەکێتی بون/ئەرستۆکرات).

بەهۆی ئەم ویستی (ویستی هێز) بەرجەستەبونە لە پانتایی واقیع وەک هەوڵدانێک بۆ خەساندنی ئەویتری واقیعی (لەکن نیچە ئەم خەساندنە بە خستنەناونەبونە لە ئاستی خەیاڵی) و دواجار بە موڵککردنی ئەم ئەویترە (یەکێتی بونی نەست و ئۆبێکت/نەمانی ترس و گومان و دڵەڕاوکێ)، عەشقی نیچە و مارکس و فرۆید بەشێوەیەکی پیاوانە (فالیک/ئەوەی هەیەتی) و خەسێنەرانە (سادیست) دەکەوێتەوە.

بە پێچەوانەوە ئەم عەشقە لە سۆفیگەریدا ژنانە (فالۆس/ئەوەی نییەتی) و خەساوانەیە (مازۆخیست). بەو مانایەی لە بری ئەوی دیکە خەساندن، بە خۆخەساندن (بازنەدان بەسەر هیستریا، بە پیرۆزی نەشکاندن) و ئەم بون بە ژنە (نەست/ئارەزو) بۆ جارێکی تر شەڕی ژنە (ئۆبێکت/ئارەزو)، لە کۆتایی وەک پێکهێنانی یەکیتی بونێکی خۆی لەگەڵ خۆیدا، هەتا هەست لە ململانێی داواکاری نەست و بابەتە بەدەستنەهاتوەکەی ئۆبێکت نەکەوێتە شڵەژان (ترس/گومان/دڵەڕاوکێ) و لە ئەماندا بێت.

هیوا سەعید